وصفة تورته الفراوله,حمام,بطاطس,ليمون,تفاح,دقيق ,الليمون,عصير,norhan_saeed,عالمى
اتبع الشيف
(22 تابع )
أعجبتنى
(0 معجب )
Smile,وجه,ضحكة


زمن التحضير: 60
زمن الطهي: 30
بلد الأكلة: عالمى
المقادير:
-8بيضات حجم كبير+فانيليا(كل بيضه ليها كيس فانيليا)
-كوب وربع سكر مطحون ناعم
-كوب وربع دقيق(أنقصي من المقدار ملعقه ونص كبيره دقيق وأستبدليهم بالنشا)
-نص ملعقه ص محسن كيك
-نص ملعقه ص عصير ليمون
-2ملعقه ماء بدرجه حراره الغرفه
-ذره ملح


للزيين
كريم شانتيه
عصير تفاح
جيلي محضر
فراوله طازجه
شيكولاته بيضا

الوصفة:
-شغلي الفرن علي حراره 170 أو 180.
-أدهني الصينيه بالزبده وبطنيها بورق الزبده
-أنخلي الدقيقي 3 مرات مع محسن الكيك(أستخدمت محسن بودره)
-إفصلي البياض عن الصفار(لو مش متوفر أداه فصل البيض أستخدمي معلقه الرز أو البطاطس المفرغه )
-أضربي الصفار مع نص مقدار السكر مع الماء لحد ما يصل لمرحله الشريط أو المنقار وضيفي الفانيليا اخر شئ
-أضربي البياض مع نص مقدار السكر الأخر مع الملح لحد ما يتكون عندك المارينج ثم ضيفي عصير الليمون وأضربي تاني
-ضيفي الدقيق لخليط الصفار مع التقليب بالمضرب السلك بخفه ثم ضيفي المارينج وقلبي كويس جدا وبمنتهي الهدوء علشان تحافظي علي الهواء داخل الخليط
-صبي الخليط في الصينيه ودخليها الفرن لمده من 40 ل50 دقيقه
-المقدار ده مناسب لعمل صينيه مقاس 24 ولو تحبيها مرتفعه أكتر أستخدمي مقاس 22
-بعد نضج الكيك وخرجه من الفرن خرجيه من الصينيه وخليه علي المنخل أو علي سلك الكيك لحد ما يبرد وقطعيه شرائح وبعدها تبدأ مرحله التزيين


التزيين:
تقسم الكيك ل3 شرائح تدهن بعصير التفاح ثم توزع الكريمه بين الطبقات وتغلف من أعلي ومن الجوانب
تسيح الوايت شوكليت علي حمام ماء وتصب علي ورق زبده مع عدم فردها وتترك لتبرد في حراره الغرفه ثم بالسكبن يتم عمل رقائق منها تزين بها جوانب الكيك

تملأ قطعه تزيين الكيك من تابروير بالكريم شانتيه ويتم عمل وردات علي أطراف الكيك مع الحرص علي أن تغلق جميع أطراف الكيك ولا تسمح بمرور الجيلي عند سكبه عليها
يزين الوجه بشرائح وحبات الفراوله ثم يصب طبقه من الجيلي وتدخل الثلاجه حتي تتماسك ...




أحلى الوصفات مع موقع ليديز كورنر دوت كوم(✿◠‿◠)



اقرئى أيضا
التعليقات:0

لكي ترسل تعليقك يجب أن تكون مشترك /