سامية فريد -  (0 تابع )
04/12/2018 04:51:26 م
 
أعجبتنى
(0 معجب )
Smile,وجه,ضحكة





 



 




 الاحساس بالفشل احساس  رهيب  …خصوصا لو الفشل اتكرر مرات ومرات احساس مؤلم جارح  بيعلن جواكي دايماإنك غيرقادرة  أو عاجزة … بيحرمك من الاحساس بفرحتك بنفسك … من فخرك بذاتك ، بيقضي علي أي ثقة جواكي .. الفشل المتكرر يعني  الموت  والضياع  ، كلمه الفشل في حد ذاتها مدلولها النفسي هو الضياع بعينه … ومضادها مش بس نجاح   لا ده الحياة بعينها…للفشل أشكال كتير… الفشل مش  






بس فشل في علاقه أو شغل أو دراسه ، يمكن الحاجات دي تتعوض مع الوقت لكن الفشل الاكبر هو فشلك مع نفسك … فشلك إنك تقدري  تطوعي نفسك علشان تتصالح معاكي وبالتالي مع الغير  ،  مثلا  تقدري تسامحي وتغفري لنفسك وبالتالي  تغفري للآخرين  ، الفشل في إنك  تحبي نفسك  وتعرفي تسعديها علشان متبقيش عاجزة انك تحبي  ناسك وتقدري تسعديهم … الفشل بيخلينا صغيرين أوي  قدام نفسنا  ومش بينين وبنحاول نبين إننا  كبار قدام الناس ، وعلشان كدا الفاشلين دايما بيبالغوا في اظهار  نفسهم أمام الغير…



أحيانا الفشل ممكن يخلينا نعمل أي حاجه  مجنونه وغير منطقيه وممكن تأذينا فقط من أجل إننا  نبان ونعلن إننا  موجودين  ،    المدمن مثلا آصله حد فشل واتكرر فشله كتير ،  اصل ساعات الإدمان مش بيكون هروب وبس … وعلي فكره الإدمان مش بس



 



ادمان مخدرات وعقاقير  .. في أنواع كتير من الإدمان ممكن تأذي وتضر صاحبها ..والاستسلام للفشل بيقودنا لدايرة   مغلقه بيفضل الواحد يدور جواها لغايه لما يدوخ ويقع وممكن ما يقمش تاني لو كان لوحده ومافيش حد بياخد بإيده .



 



الفشل   صديق شخصي لبعضنا .. بيصاحبنا  اينما كنا  …الفشل علي المستوى النفسي  اقسى بكتير علي المرأة من المستوى المادي … يمكن  الرجل بيفرق معاه اكتر نجاحه العملي والمادي لكن المرأة  فشلها  على المستوى النفسي وقعه اكبر عليها … واشكال   الفشل النفسي لحواء متعددة ،  هي فاشله لو ماتحبتش بجد وفاشله لو ماعرفتش تحب صح وفاشله لو ماقدرتش تحتفظ برجلها ليها لوحدها وفاشله لو ربت غلط او علي الاقل كانت النتيجه غير ماتوقعت … فاشله لو ماقدرتش تغفر وتسامح ،  مشكله حواء إن فشلها أو نجاحها دايما مقياسه براها … بره ذاتها هي … لازم يكون حد تاني غيرها هو مصدر النجاح أو الفشل بالنسبة لها… على عكس الراجل … نجاحه دايما مصدره هو.. من جواه هو … يمكن ده سببه عيب  في تربيتنا من  صغرنا او يمكن طبيعه خلقتنا  … حواء جبلت علي ان مصدرها رجل …  ما هي  جت من ضلعه  يعني اصلها لحم ودم  لكن هو  اصله تراب وميه يعني حته طينه  ، هو ذاته من نفسه لكن هي ذاتها منه وعلشان كدا الرجل في حياة حواء  للأسف مصدر لنجاحها أو فشلها  …ولذلك لازم حواء تنئ بنفسها بعيدا  عن أدم …لازم تفهم إنها بيه أو من غيره ممكن تنجح أو تفشل مش لأنه المصدر لكن لأنها انسان زيها زيه تماما  …ولازم تدرك إن الرجل في  حياتها جزء  هام من مجموعة اجزاء  هامه في حياتها  مش هو وحده  كل الكون … عشان تنجحي وتتخطي أي فشل…ارجوكي احذفي من قاموس افكارك   إن الرجل  هو  مصدر   إلهامك  وبؤرة الكون بالنسبالك .    .



 



أحلى وأفيد المقالات مع ليديز كورنر دوت كوم



اقرئى أيضا
التعليقات :0

لكي ترسل تعليقك يجب أن تكون مشترك /