نظافه منزلك-Tmatem


  • • العسل فى اصناف حلويات كتير بتتعمل بالعسل ولما نعاير العسل فى الكوب بيكون صعب اننا ننزل كل كميه العسل اللى موجوده فى الكوب طماطم بتقولك ادهنى الكوب بقليل من الزيت قبل معايره العسل وبكده العسل هينزلق من الكوب بسهوله جدااا ومش هيلزق فيه يا ريت نسمع كلام طماطم :)
  • • بنصادف كتير لما نعمل كيك او تورته نلاقى الكيك مكتوب ومنفش ونكتشف ان السبب ان البيكينج بودر كان قديم او مش فعال وعشان نتلاشى عدم صلاحية البيكينج بودر طماطم هتقولكم على اختبار بسيط ... لإختبار البينج بودريمكن إضافة قليل منه الى الماء الساخن فاذا احدث فورانا فأنه يكون صالحا اما اذا لم يحدث هذا التفاعل فهذا دليل على انتهاء صلاحيته.
  • • الشكولاته البيضاء بالرغم من مذاقها اللذيذ إلا انها لاتحتوى على الكاكاو الخام نهائيا ولكنها تكتسب مذاقها من زبده الكاكاو لذلك كونوا حرصاء اثناء اذابه الشكولاته البيضاء لانها لا تقاوم الحراره مثل الشكولاته الخام او الشكولاته الساده
  • • طماطم بتقول عشان تضيعى رائحه البصل والثوم من ايديكى ادعكى يديكى بشويه بن وهتختفى الرائحه تماما
  • • دايما لما نفتح التلاجه نشم روائح الاكل اللى فيها من جبن وخضار وكل اللى موجود :) ولتجنب هذه الروائح طماطم بتقول نجيب قطعه من الفحم ونضعها داخل الثلاجه الفحم من مميزاته انه بيمتص الروائح ...وبكده التلاجه هتكون بدون رائحه
  • • دايما لما نكون مستعجلين على الاكل نعلى النار عشان الاكل يستوى بسرعه والنتيجه طبعا فى الغالب معروفه الاكل بيشيط وطعمه مش بيكون مضبوط عشان كده طماطم بتقولك ... النار الهادئة تعطي فرصه أفضل لطهي الطعام حتى يكتسب الطعام مذاقا خاصة بالنسبة للحوم يا ريت نسمع كلام طماطم
  • • طهي كوب من البقول الجافة (مثل الفول او الترمس او الحمص وهكذا ) سينتُج عنه ثلاث أكواب من البقول المطبوخة
  • • لما نيجى نعمل الاكل ساعات ننسى الاكل على النار والنتيجه بتكون ان الحله تتحرق من الارضيه وساعتها بيكون صعب تنظيفها طماطم بتقولك فى الحاله دى جيبى ملح وعليه قليل جدا من الماء وحطيه فى الحله وسبيه 15 دقيقه وبعد كده اغسلى الحله
  • • طبعا كلنا بنطحن بهارات فى البيت والنتيجه ان المطحنه فى الغالب بيكون رئحتها بهارات طماطم بتقولك للتخلص من الرائحه العالقه فى المطحنه حطى بها خبز محمص واطحنيه او ضعى ارز واطحنيه وبكده هتختفى رائحه البهارات والبصل وغيره
  • • دايما لما نسلق القرنبيط بيكون ليه رائحه غير محببه للتخلص من هذه الرائحه طماطم بتقولكم نضع قطعه من الخبز الناشف فى ماء السلق
  • • الزبده فى الفريزير وانا محتاجه منها قطعه دلؤتى حالا طماطم بتقولك مفيش مشكله جيبى سكين وسخنيه على النار واقطعى من الزبد المجمد
  • • عند الطهى فى الحلل والصوانى التيفال ممكن ننسى الاكل على النار والحله الاكل يتحرق فيها من الارضيه طماطم بتقولك فى الحاله دى حطى ملح وخل او ملح وليمون وسبيهم شويه وبعدين اغسليهم
  • • كلنا او اغلبنا بنحتار نضبط التلاجه على درجه حراره كام عشان تكون مناسبه والاكل ميفسدش طماطم بتقولك انسب درجه للثلاجه ضبطها على 5 درجات مئويه فهذه الدرجه تمنع نمو البكتريا والميكروبات
  • • عند صناعه الكيك والتورتات استخدمى دقيق نسبه البروتين فيه قليله اى لا يحتوى على نسبه جلوتين كبيره طماطم بتقولك تأكدى ان الكيس مكتوب عليه خاص بالكيك
  • • 1. نظفى البوتجاز بعد الطبخ مباشرة وهو دافىء كى لا يجف الطعام علية ويصبح صعب التنظييف.