Mrwa Rawy -  (0 تابع )
22/09/2014 03:28:27 م
 
أعجبتنى
(0 معجب )
Smile,وجه,ضحكة



Mrwa Rawy wrote a new note: ‎نشرة أخبار



 



10/20/12 · 



 



مستوحاة من أحداث سوريا.



. نشرة أخبار 



شُفتني.. جوه شاشة صغيرة



لحظة بلحظة ع الهوا.. حالي الكئيب



متذاع بجودة عالية و صورة ملونة



و لا فرحت ولا بكيت



ياما زمان شُفت وقريت



بس عمري ما إتخيلت



الحَدَث يكون.. أنا !



شُفتني..جوه شاشة صغيرة



ومذيعة حلوة، بكل حُرقة



قاعدة توصف الانفعالات



علي شمالي شباب خلاص ماعدش يخاف



حالف يا نصر يا استشهاد



علي يميني صديق العمر.. حاكي بدمه



كل القصة من سكات



وتنهيدة حُطام البيت.. اللي شاف الذكريات



و ع الشريط خبر عاجل: الضمير الحر مات



وبعد ما إتمسح الدما من ع الشاشات.. ف الاستراحة



تتفتح كل الخطوط للتليفونات



وبعد أطول فاصل بارد م السُكات



واحدة واحدة.. تِطَلّع الأفاعي روسها م الجحور



يتحفونا بكلمتين من بتوع وقت الشِداد



ياااه..دول نفس الكلمتين اللي اتقالوا



من عهد فات



كله حافظ النشيد.. كله بيقوله بثبات



اللي يشجب واللي يدين



اللي يثبت واللي يبيع



واللي عارف إمتي يقسي



زي ما عارف إمتي يلين



شُفتني..جوه شاشة صغيرة



ومن وراها آلاف ب يبكوا



مايقدروش غير ع الدعا



ف كل شارع.. ألف تكبيرة إمام جوه الصلاة



ف كل بيت.. ألف دعوة صادقة وراه مأمنة



وناس من كل جنس ولون



يتبرعوا بأكل ودوا



بس العجيب لما الحماس بيتبخر ..زي الهوا



وكل ما تطول الجراح.. بتبقي حاجة هينة



أما العيون الباكية تزهق م البُكا



يتذاع ألم وراه ألم.. يقترحوا ع صاحب الريموت



يجيب لهم حاجة حلوة مفرفشة



وآخر الليل كله يطفي النور.. ينام مهزوم



ويشد الألحفة



شُفتني.. ف قلب ده الكون الكبير



أنا الوحيد اللي باقي لي



والوحيد اللي فاضي لي



والوحيد يحس بيا



أنا بإيد أدفن حبايبي



وإيد تشيل البندقية



أنا اللي جوه قلب النار



عشان صحيت ناديت حرية



وإختياري يا أنتصر



يا إما أبيع كل القضية!



أنا شُفتني..وشُفتكم



ما أنا كنت برده زيكم



آمن ف داري وسط عيالي



هموم عادية شاغلة بالي



بس بعد اللي جرالي.. إسمحولي أقول لكم



مفيش لا قوة ولا حذر.. ممكن ف يوم تمنع قدر



بس طول ما الدنيا غابة.. الأقوي فيها بينتصر



و عُملة فاضية فضة سَكة.. عشانها تتباع البشر



طول ما المنافع والمصالح..لما تؤمر نؤتمر



والقوة مِلك نفوس ضعيفة.. تتغذي شر وطمع



لما الضعيف يصرخ يلاقي.. الحق نايم ف العسل



وف القضية يبقي الخِصم.. هو هواه الحَكَم



طول ما الصوت خانقه سكونه.. أصله ع الضعف إتفطم



ولحد ما يفوق الجميع.. الصغير والكبير



ماتستغربش إن يوم صحيت



لقيتك ع الشاشة.. خَبَر !



 



LikeCommentShare



 



Post



 



 



 




أحلى وأفيد المقالات مع ليديز كورنر دوت كوم



اقرئى أيضا
التعليقات :0

لكي ترسل تعليقك يجب أن تكون مشترك /